بسم الله
هاادي قصيدة لشاعره عـــــذاري السعودية **
أنا المحبه ليه أدور على الحب
إنسان مثلي تطلبه حب يعطيك
إن كانها عالقرب ماودي القرب
بإمكاني أهنى في بعادك و أهنيٍك
لا تتعب إحساسك بإحساسي الصعب
ما أنت بحمل قلبي ولاحمل غاليك
ماني بمن يعشق وعشقه يجي لعب
حيث إن لعبي للمهالك يوديك
وان كان إحساسي وقلبي هم الشعب
ياعقل هاذاني عليهم بوليك
وان مر في بالي بقايا من السرب
بطلق عليها بالهوى من تجنيك
مارد حياضي ترشفه دايم(ن) عذب
ولا إنت ملحك ضر بإحساس مغليك
عطي عطا من لايحدك على النهب
مزن تروى من عروقي ويرويك
إن جيت حي الله وسهلا على الرحب
وان رحت رمشي في طريقك بيحميك
ولوك تبي فرقا بوريك أنا الدرب
وأخاف حبي لو تعلقت يعميك
ولو كنت أعرف إن الغلا غلفه كذب
مااضطرني هذا بقسوه أجازيك
حيث إن إحساسي جعل لطفه الرب
ولو بيدي ازرع بك عنا مابعنيك
لاتظن أسهّل لك غرامي وأنا صعب
ولايكون في بالك بحبك وأخليك
ولاهو إن تكدر خاطري يلحقك سب
ولاهو إن تبي تدفا ببردي بغطيك
لله وكيلك كل مابي يجي ذرب
طيبي كبير وما أظنه يعديك
لا تحسب إن بعدك يخسِّرني الحرب
كل التعب وشلون غيري بيرضيك
أدري بتستغرب ويعجز بك الطب
يكفيني إجحافك وصدقي يكفيك
صحيح مؤلم كاس مُرك مع الشرب
بس الأصح لابد ماالله يجازيك
لو مات زرع الأرض ببقى لي العشب
!لاراحتي منهم ولاراحتي فيك
وان ما أعجبك قلبي ولا طقت لي قرب
لاني بمجبر لك ولاني معنيك
خذها نصيحه يغنيك نفعها كتب
حب سكنته غصب واطي يوطيك
حب تذوقت بدهالسيه الكرب
لاهو بمرونك ولاهو مغذيك
والله لو ماجا بعد سربهم سرب
مادمعت عين الذي هو محاكيك
أنا شعور من خيال يجي ضرب
صيحة غلا تسبق على صيحه الديك
من فجر نور الحب لي غيبه الحب
أنا الوحيد اللي سعد بالتهاليك
موقع لغة الروح - ديوان أبعاد مرهفه
الشاعرة عذاري
